Thursday, April 19, 2007

 

పంజాబీ పాఠం

ਦੁਨੀਆਂ - దునిఆఁ (దునియా) - ప్రపంచం

ਔਰਤਾਂ - ఔరతాఁ - మహిళలు

ਘੜੀਆਂ - ఘడిఆఁ (ఘడియా) - గడియారాలు

ਯਾਤਰਾ - యాత్రా - ప్రయాణం, యాత్ర

ਕਰ - కర్ - పన్ను (టాక్స్)

ਮਨੋਰੰਜਨ - మనోరంజన్ - వినోదం

ਅਖ਼ਬਾਰ - అఖ్‌బార్ - వార్తాపత్రిక

ਸੰਗੀਤ - సంగీత్ - సంగీతం

ਪੈਸਾ - పైసా - డబ్బులు, పైసలు

ਦਵਾਈ - దవాయీ - మందు, ఔషధం

Labels:


Wednesday, April 18, 2007

 

హలంతాలను లొంగదీసుకోండి...

తెలుగు యునికోడ్ ఫాంట్ ఉపయోగించి క్ చ్ ట్ త్ ప్ గ్ జ్ డ్ ద్ బ్ వంటి హలంతాక్షరాలను టైప్ చేసేప్పుడు ఇక్కడ తెలిపిన ఇబ్బందులు ఎదురవుతాయి. ఉదాహరణకు... కంప్యూటర్‌కు... హార్డ్‌వేర్‌లో... మానిటర్‌తో... మెషీన్‌పై... అని మీరు టైప్ చెయ్యాలనుకుంటే... హలంతాక్షరాలు, వాటితోపాటు టైప్ చేసిన అక్షరాలు కలిసిపోయి కంప్యూటర్కు... హార్డ్వేర్లో... మానిటర్తో... మెషీన్పై ఇలా వస్తాయి. దీంతో ఏం చెయ్యాలో అర్థంకాక చాలా మంది కంప్యూటర్ కు... హార్డ్ వేర్ లో... మానిటర్ తో... మెషీన్ పై... ఇలా హలంతాక్షరానికి, దాని వెంటనే టైప్ చెయ్యాల్సిన అక్షరానికి మధ్య ఒక ఖాళీ ఉంచి టైప్ చేస్తున్నారు. దీనికి ఓ పరిష్కారం ఉంది. వర్డ్ లేదా నోట్‌ప్యాడ్‌లో మీరు ఇలా చేసుకోవచ్చు.

హలంతాక్షరం టైప్ చెయ్యగానే దాని పక్కనే కర్సర్ ఉంచి Ctrl+Shift+2 కీలు కలిపి నొక్కండి. ఆ తర్వాత మీకు కావలసిన అక్షరాలను పక్కనే టైప్ చేసుకున్నప్పటికీ అవి హలంతాక్షరాలతో పైన చూపిన విధంగా కలిసిపోవు. Ctrl+Shift+2 కీల ద్వారా హలంతాక్షరం పక్కనే నాన్-జాయినర్ (ఇది కనిపించదు) చేర్చబడి, ఈ సమస్య లేకుండా చూస్తుంది.

ఇదే సమస్యకు మౌస్ ఉపయోగించి, నోట్‌ప్యాడ్‌లో కూడా పరిష్కారం పొందవచ్చు. హలంతాక్షరం పక్కనే మీ కర్సర్ ఉంచి, మౌస్ రైట్ క్లిక్ చెయ్యండి. అక్కడ కనిపించే మెనూలోంచి "INSERT UNICODE CONTROL CHARACTER" పైన మౌస్‌ను పాయింట్ చేస్తే... ఉప మెనూ తెరుచుకుంటుంది. ఇందులో "ZWNJ - Zero Width non-joiner" పైన క్లిక్ చెయ్యండి. దీంతో హలంతాక్షరం పక్కన నాన్-జాయినర్ (కనిపించదు) చేర్చబడి, ఈ సమస్యను నివారిస్తుంది. తర్వాత ఈ టెక్ట్స్‌ను వర్డ్, ఎక్సెల్ లేదా మీకు కావలసిన దానిలోకి కాపీ చేసుకోవచ్చు.
ఇదే పరిష్కారం కన్నడ భాషకూ వర్తిస్తుంది. దీనిపై జరిగిన చర్చలకు సంబంధించి, మిత్రుడు బాబ్ ఇచ్చిన కింది URL ద్వారా మరికొన్ని వివరాలు పొందవచ్చు.
http://bhashaindia.com/ForumV2/shwmessage.aspx?forumid=1&messageid=1738#bm2414

Labels:


Tuesday, April 17, 2007

 

కన్నడ పాఠం

కన్నడ భాషలోని కొన్ని పదాలు తెలుసుకుందాం...

ತಾಯಿ (తాయి) - అమ్మ

ತಂದೆ (తందె) - నాన్న

ಸಹೋದರ (సహోదర) - సోదరుడు

ಸಹೋದರಿ (సహోదరి) - సోదరి

ಅಕ್ಕ (అక్క) - అక్క

ಅಣ್ಣ (అణ్ణ) - అన్న

ತಂಗಿ (తంగి) - చెల్లెలు

ತಮ್ಮ (తమ్మ) - తమ్ముడు

Labels:


This page is powered by Blogger. Isn't yours?